編按：作者撰寫了「華語翻譯版」和「台文原版」文章，分別於本頁面先後呈現，歡迎讀者參考、閱讀。
▍華語翻譯版：無論寫什麼文，尊重才是重點──我看台大學生會會長的「台文信」事件
最近，台大學生會會長使用台文書寫、寄給新生的一封信，引起網友們的熱烈討論。有些人認為，由於並非所有人都看得懂台文，因此他不應該使用台語漢字來書寫這封信；有人卻留言反擊，罵看不懂的人是「文盲」。
事實上，台大學生會的粉絲專頁除了華語版之外，也有發佈那封信的客語版，或許就是因為學生會相當看重台灣的多元語言，並藉此展現他們的態度。
身為今年台大新生的我，收到這封新生信時，其實是非常感動的。為什麼我會這麼說呢？面對此次爭議，我想分享一段故事及一些看法，希望能夠提供大家參考；也拋磚引玉，和讀者互相討論、研究。
香港朋友好奇：你們不講台語嗎？
記得幾年前，我很榮幸入選參加了教育部國教署的「亞太科學資優學生論壇」，擔任地主國台灣的代表，跟來自世界各國的參與學生，一同比賽設計機器人。第一天，我問了一位香港朋友在家鄉大部分都以什麼語言溝通？他告訴我，雖然他的英語很流利，也會講「普通話」，但在家裡、和朋友出去玩的時候，多半都是說粵語。
接著他也反問我，在台灣的大家，平常都會講台語嗎？我告訴他，台灣除了台語以外，有些人是說客語、有些人說原住民語；雖然大家的母語並不相同，不過卻都因為說華語似乎較為方便，且許多年輕人沒有和老一輩住在一起，因此現在不會說台語的人四處都是。
那天晚餐時，那位香港朋友聽到我用華語點菜、用台語向旁邊的阿姨道謝，接著用英語跟大家聊天，突然間覺得很有趣，連馬來西亞朋友也加入我們，一起討論當地馬來語、英語的現況。
我至今仍記得，當時就是聽到香港朋友說他們「全家都說粵語」，我才突然間發現，台語是多麼需要大家一起使用、保存。
法國語言學家 Charles Hagege 曾經說過，若一個語言逝去，我們不但會失去語言本身，還會失去語言背後的豐富文化，包括我們表達人與大自然、人與世界、以及人與人之間關係的方式。所以，我相信若想保存台語，除了必須更常和親朋好友以台語溝通，也要練習「寫台文」，才能夠把語言記錄下來。
為何我要練習用台語創作？
若是讀過 Robert Phillipson 的「語言帝國主義」（Linguistic Imperialism）理論，大概就會知道過去英語是如何運用它的政治、經濟優勢，成為一種「Killer Language」，將殖民地的本土語言消滅。這個理論在 1992 年被提出，Robert 認為，當另一種語言透過帝國主義，從政治、經濟、社會結構方面取得優勢，就會逐漸造成當地本土語言的流失。
在台灣，華語是人們的「通用語」（Lingua Franca），本來就已導致人們較少講台語，原本以為政府在 2018 年通過《國家語言發展法》後，本土語言就能夠安全了，政府卻又宣布要推動「雙語國家」政策，個人非常擔心這些措施會影響到台語的使用空間。我便思考，若開始「我手寫我口」，雖然稍嫌困難，卻或許能確實讓保存本土語言變得更有效率。
以我自己的狀況而言，雖然就讀國小、國中期間，參加過非常多次語文競賽，還曾獲頒 2 次全國台語朗讀、台語演講的冠軍，早對台羅音標以及台文漢字不陌生。不過，這樣仍是不夠的，因為我未能長期使用台語來寫文章、創作。
當然，練習寫台文文章的過程相當艱辛，讀者可以試想看看，就如同國小學生剛開始學習寫字一般，常常寫沒幾個字就得查字典，查查看怎樣才是正確的寫法。
剛開始書寫時，我覺得記錄生活、寫出自己身旁的故事，想必是最簡單、最適合的，因此我曾寫過一篇叫做〈阿公的菜栽仔場〉的文章──因為我的外公、外婆家，即將被政府徵收用於建設機場，我決定要把自己從小到大的記憶，透過平常跟老一輩談天的語言記錄下來。
雖然，我的語句並不像許多老師、前輩寫得那般優美，卻仍成功入選為今（2022）年全國台語朗讀競賽的文章。
我感受到每一次用台文寫字、在公開場合分享意見，都彷彿是一種推廣台語及表達自我的機會。所以，身為一位台大的一年級新生，這次看到學生會長的台文信，我不但感動不已，也很認同學生會所強調的，會長的話是他的個人發言，當然能夠說他想說的；他也讓全體新生看見，本土語言是可以寫在正式文書上的，非常有意義。
不管寫什麼文，尊重才是重點！
寫到這裡，我雖然支持大家多多用台文來創作、寫作，我仍相信在台灣這個有著「多元語言」的島嶼，「尊重」是最為重要的。
當年《國家語言發展法》通過時，將所有「台灣各族群使用的自然語言和台灣手語」都一併提升到「國家語言」的位置；除了華語外，文化部也進一步將這些語言訂為「台灣台語、台灣客語、台灣原住民族語、馬祖語、台灣手語」。
從這個角度觀察，這條法律的精神就是「平等」與「尊重」。
這些語言都是我們的國家語言，並無區分誰說的、誰寫的就比較高級；生活當中，更得尊重大家使用不同語言的權利，才是最適當的做法。
所以，台大學生會長想用何種語言來寫信，私以為是無需批評的；就像許多政治人物喜歡在致詞時講台語，我實在從未看過有人上台阻止他們，罵他們台語讓人「聽不懂」。話雖如此，若是資源足夠，考慮到各族群讀信的方便性，學生會可以提供其他語言的翻譯，絕對是能讓這次爭議更加圓滿的做法。
最後，針對當時有台大學生會的幹部說的「台灣有 99% 都是文盲」這句話，我推測他的意思應該是想提醒大家，很多人看不懂本土語言的書面寫法。雖然真正的數字可能不到 99% 這麼高，其實也並未說錯。
不過，這是每一個人的個人選擇，若是有空閒、又和我一樣，相信寫下來會對本土語言有幫助，歡迎一起來學習書面寫字囉！
▍台文原版：毋管寫啥物話，尊重才是正道──我看台大學生會會長的「台語批」事件
最近，台大學生會長用台文寫的、予台大新生的一張批，引起網路頂的熱烈討論。有人認為，因為毋是所有的人攏看有台文，所以伊無應該用台語漢字寫批；有人煞反擊，罵講看無的人是「青盲牛」。
事實上，台大學生會的粉絲專頁除了華語版以外，閣有發出客話版的彼張批，凡勢就是因為 in 誠看重台灣無仝款的語言，嘛展現 in 的態度。
身為今年台大新生的我，收著這張新生批的時陣，其實是感覺足感心的，是按怎我會按呢講咧？面對這擺的爭議，我想欲分享一段故事佮一寡仔看法，希望會當予逐家做參考，嘛拋磚引玉，和逐家互相討論、研究。
香港朋友真好玄：恁無講台語？
會記得幾冬前，我真榮幸入選參加「亞太科學資優學生論壇」，擔任地主國台灣的代表，和對世界各國來參與的學生，做伙比賽設計機器人。頭一日，我問一位香港朋友講，伊佇家鄉大部分攏講啥物話？伊共我講，雖然伊英語講了誠輪轉，嘛會曉講「普通話」，毋過咧厝裡、佮朋友?迌的時，大概攏是講香港話較濟。
綴落去，伊嘛翻頭問我講，逐家佇台灣平常時仔敢會講台語？我共講，台灣除了台語以外，有人講客話、有人講原住民話；雖然逐家的母語無仝，不而過，因為遮的人感覺講華語較方便，真濟少年人又閣無和老一輩的人蹛做伙，這馬袂曉講母語的人是滿街跤囉！
彼工食暗頓的時，香港朋友聽著我用華語點菜、用台語向邊仔的阿姨說多謝，又閣用英語佮 in 開講，感覺實在有夠奇，連馬來西亞的朋友嘛加入阮，討論 in 遐的馬來話佮英語。
我到今都會記得，是彼當陣聽著阮朋友講 in 全家攏講香港話，我才雄雄發現著，台語是偌爾仔需要咱逐家做伙來使用、保存。
法國語言學家 Charles Hagege 捌講過，若是一个語言消失去，咱毋若會失去語言本身，閣會失去語言背後濟濟的文化，包括咱表達人和大自然、人和世界、猶閣有人佮人之間關係的方式。所以，我相信若想欲保存台語，除了愛較捷佮親情朋友講台語，嘛愛練習「寫台文」，才會當共語言記錄落來。
是按怎我一直練習用台語創作？
若是讀過 Robert Phillipson 的「語言帝國主義」（lingustic imperialism）理論，大概就會知影較早英語是按怎運用伊的政治、經濟優勢，變成一種「killer language」，將殖民地的本土語言消滅。這個理論佇 1992 年提出，Robert 認為，當另一款語言透過帝國主義，對政治、經濟、社會結構方面提著優勢，就會沓沓仔造成當地本土語言的流失。
佇台灣，華語是咱的「通用語」（lingua franca），本來就已經致使較少人欲講台語，原本掠準政府佇 2018 年通過《國家語言發展法》就安全矣，in 煞閣想欲推捒「雙語國家」的政策，我真煩惱會影響著台語的空間。我就想講，咱若開始「我手寫我口」，雖然有淡薄仔困難，無的確正經會當予保存本土語言閣較有效率。
以我的情形來講，雖然讀國校仔、國中的時，參加過真濟擺語文競賽，閣捌提過 2 擺全國台語朗讀、台語演講的冠軍，自然是對台羅音標和台文漢字無生份。毋過按呢猶無夠，因為我無定定用台語來寫文章、創作。
當然，練習寫台文文章的過程是真艱苦，你會當想看覓，就好親像是國小學生拄開始學寫字，定定寫無幾个字就愛去查字典，查看正確的寫法是按怎。
拄仔開始寫的時，我認為紀錄生活、寫出家己身軀邊的故事絕對是上簡單、上適合的，所以我捌寫過一篇叫做〈阿公的菜栽仔場〉的文章──因為阮阿公、阿媽兜，直欲予政府徵收去起機場矣，我決定欲共我自細漢到大漢的記持，用我平常時和老一輩人講話的話語記錄落來。
雖然講，我的語句無像濟濟的老師、先輩寫的遐爾媠，也是入選今（2022）年全國台語朗讀競賽的文章。
對我來講，我感覺每一改用台文寫字、佇公開的所在分享意見，攏是一種推廣台語佮表達自我的機會。所以，身為一位台大的一年仔新生，這擺看著學生會長的台文批，我毋若是感心，嘛誠認同學生會所強調的，會長的話是伊的個人發言，當然會當講伊想欲講的；伊嘛予所有新生看到，本土語言是會用得寫佇正式文書頂的，非常有意義。
毋管你寫啥物話，尊重才是正道
講到遮，雖然我支持逐家多多用台文來創作、寫作，我猶原相信佇台灣這个有「多元語言」的島嶼，「尊重」是上蓋重要的。
當年《國家語言發展法》通過的時，將所有「台灣各族群使用的自然語言和台灣手語」攏作伙搝到「國家語言」的位置；除了華語，文化部嘛進一步將遮的語言訂為「台灣台語、台灣客語、台灣原住民族語、馬祖語、台灣手語」這幾種。
對這个角度來看，這條法律的精神就是「平等」佮「尊重」。
遮的語言攏是咱的國家語言，無分講啥人講的、寫的就較高級；生活當中，嘛愛尊重逐家使用無仝款語言的權利，按呢才是正道。
所以，台大學生會長想欲用啥物語言來寫批，是無需要去共批評的；親像真濟政治人物誠愛咧致詞的時講台語，我是從來無看過有人上台去阻止 in，罵講聽無。猶毋過，若是資源有夠，考慮著無仝族群讀批的方便性，學生會會當提供其他語言的翻譯，絕對是會予這件代誌更加圓滿的做法。
最後，針對彼時有台大學生會的幹部講「台灣有 99% 攏是青盲牛」這句話，我咧臆伊的意思應該是想欲提醒咱，真濟人看無本土語的書面寫法。雖然真正的數字可能無 99% 遮懸，其實嘛無講毋著啦！
毋過，這是每一个人的選擇，若是有閒、閣和我仝款相信「寫落來會對本土語言有幫助」，歡迎相招來學書面寫字囉！
執行、核稿編輯：孫雅為
